Engifer gott ráð við bílveiki

13 Oct 2014

Bílveiki er ein tegund svokallaðra ferðaveiki, sem fólk getur fundið fyrir þegar þðferðast hvort sem er með bíl, skipi, flugvél eða fundið fyrir í tívolítæki. Í vægum tilfellum birtist hún sem órói og höfuðverkur en í alvarlegri tilfellum sem ógleði, uppköst, með óeðlilegri svitamyndun, munnvatnsrennsli eða í formi svima, kvíða og fölva. 

Margar vísindalegar rannsóknir benda til þess að besta meðalið gegn ferðaveiki sé engifer en á meðan flest ógleðilyf virka í gegnum heilann og innra eyra, virkar engifer aðeins á magann. Önnur jurt sem líka slær á einkenni ferðaveiki er piparmynta sem vinnur með svipuðum hætti og engifer. Hægt er að fá engifer í margskonar formi sem bætiefni, te og gosdrykk en langbest er að koma við á Safabar Heilshússins í Kringlunni, Laugavegi eða Lágmúla og fá sér hreint engiferskot áður en lagt er atlögu við vegi landins. Engfer fóðrar magann og kemur í veg fyrir að þar myndist órói. Einnig er gott að grípa með sér bætiefni eða te í ferðalagið.