Uppskriftin er fengin úr bókinni Ómótstæðileg Ella sem inniheldur fjölda heilsusamlegra uppskrifta.
Uppskrift, 20 mjúkir karamellubitar
2 stórir bollar Medjool döðlur (400 g), steinlausar
10 msk möndlusmjör
4 msk kókosolía
3 msk hrátt kakóduft
Aðferð:
- Setjið döðlurnar í pott með smávegis af sjóðandi vatni. Leyfið þeim að malla í fimm mínútur, þar til þær eru mjög mjúkar og klesstar saman.
- Ef eitthvað vatn er eftir í pottinum hellið því þá af og látið döðlurnar kólna í nokkrar mínútur.
- Setjið möndlusmjör, kókosolíu og kakóduft í matvinnsluvél og bætið döðlunum út í og blandið saman í eina til tvær mínútur, þar til allt er orðið vel klístrað saman.
- Setjið bökunarpappír í um það bil 25 sm ofnfast form og hellið blöndunni á það, áður en þið setjið hana í frystinn. Þar á hún að vera í að minnsta kosti þrjá tíma áður en hún er borin fram.
- Geymið í frysti. Látið bitana þiðna í nokkrar mínútur áður en þið borðið þá.
Gott ráð: Prófið að bæta hnetubitum og rúsínum við uppskriftina til að breyta áferðinni og gera karamelluna grófari.
Ómótstæðileg Ella, konan á bakvið bókina.
Ella Mills er ein skærasta stjarnan í matreiðsluheiminum í Bretlandi. Þegar hún veiktist skyndilega af stöðubundinni hjartsláttartruflun (POTS) ákvað hún að breyta mataræðinu og fór að neyta jurtafæðu eingöngu. Tveimur árum síðar var hún laus við öll einkenni sjúkdómsins. Í dag er Ella metsöluhöfundur og heilsugúrú, auk þess sem hún framleiðir vörur undir eigin nafni og rekur vinsæla veitingastaði í London. Ómótstæðileg Ella hefur komið út í 20 löndum og geymir dásamlega ljúffenga og einfalda rétti sem stuðla að góðri orku og glöðu geði.
Uppskriftirnar eru allar vegan, glúten- og mjólkurlausar.
Bókin fæst í Heilsuhúsinu og á heilsuhusid.is.
