UPPSKRIFTIR

Uppskrift, 10-12 brúnkur

• 2 stk miðlungsstórar sætar kartöflur (600 g)
• 14 stk Medjool döðlur, steinlausar
• 2/3 stór bolli malaðar möndlur (80 g)
• 1/2 stór bolli bókhveiti- eða hýðishrísmjöl (100 g)
• 4 msk hrátt kakóduft
• 3 msk hlynsíróp
• saltklípa

Aðferð:

1. Hitið ofninn í 180°C (blástur 160°)
2. Skrælið sætar kartöflur. Skerið þær í bita og gufusjóðið í um 20 mínútur, þar til þær verða mjög mjúkar.
3. Þegar þær eru orðnar mjúkar í gegn og byrjaðar að detta í sundur blandið þið þær í matvinnsluvél ásamt steinlausum döðlum þar til þetta verður að mjúku deigi.
4. Blandið þeim hráefnum sem eftir eru saman í skál, áður en þið hrærið sætu kartöflunum og döðlunum vel saman við.
5. Setjið bökunarpappír í ofnfast form, hellið deiginu í það og bakið í um 20-30 mínútur, þar til þið getið stungið í kökuna með gaffli og hann kemur þurr út. Losið kökuna úr forminu og leyfið henni að kólna í um 10 mínútur. Það skiptir miklu máli þar sem brúnkurnar þurfa þennan tíma til að loða saman!

Gott ráð: Ef þið eigið ekki til hrátt kakóduft getið þið notað hefðbundið kakóduft, en þið þurfið þá að tvöfalda magnið hið minnsta.

Ómótstæðileg Ella, konan á bakvið bókina.

Ella Mills er ein skærasta stjarnan í matreiðsluheiminum í Bretlandi. Þegar hún veiktist skyndilega af stöðubundinni hjartsláttartruflun (POTS) ákvað hún að breyta mataræðinu og fór að neyta jurtafæðu eingöngu. Tveimur árum síðar var hún laus við öll einkenni sjúkdómsins. Í dag er Ella metsöluhöfundur og heilsugúrú, auk þess sem hún framleiðir vörur undir eigin nafni og rekur vinsæla veitingastaði í London. Ómótstæðileg Ella hefur komið út í 20 löndum og geymir dásamlega ljúffenga og einfalda rétti sem stuðla að góðri orku og glöðu geði.

Uppskriftirnar eru allar vegan, glúten- og mjólkurlausar.

Bókin fæst í Heilsuhúsinu og á heilsuhusid.is.