468

Hnetu-Kínóa Wellington með villisveppa-kasjúsósu

05 Dec 2017

Ljúffeng uppskrift að Wellington sem við mælum með um hátíðirnar!

Innihaldsefni:
  • 1 1/2 dl kínóa frá Sólgæti soðið skv. leiðbeiningum á pakka
  • 7 gr villisveppir lagðir í bleyti og soðnir með kínóa
  • 150 gr heslihnetur frá Sólgæti,ristaðar
  • 150 gr kasjúhnetur frá Sólgæti, ristaðar
  • 2 stk laukar skornir smátt
  • 300 gr sveppir, skornir þunnt
  • 2 tsk lífrænt timjan frá Sonnentor 
  • 1 msk reykt paprikukrydd
  • 2 msk lífrænt tómatmauk (puree) frá Biona 
  • 2 tsk Maldon salt
  • 1 pk smjördeig með 5 plötum
  • 2 dl möndlumjöl frá Sólgæti
 
Aðferð
  1. Leggið villisveppina í bleyti í 30 mín og sjóðið svo ásamt kínóa skv. leiðbeiningum á pakka. Ristið hneturnar í ofni í 8-10 min á 180°C. 
  2. Skerið laukinn smátt og steikið þar til hann verður glær. Bætið 100 gr af sveppum á pönnuna og steikið í nokkrar mínútur. Hrærið nú kryddi og tómatmauki saman við lauk og sveppi.
  3. Setjið hnetur í matvinnsluvél og hakkið í fínt duft. Bætið þá kínóa og steikta grænmetinu í matvinnsluvélina og látið hana ganga í 3-5 mín, skafið reglulega niður með hliðum.
  4. Hitið ofninn í 200°C. Mótið hleif úr hráefninu á bökunarplötu með smjörpappir. Bakið í ofninum í 60 mín.
  5. Steikið nú restina af sveppunum upp úr olíu, saltið og blandið saman við möndlumjölið. Smyrjið sveppa- og möndlublöndunni yfir hleifinn og látið kólna.
  6. Raðið saman fjórum smjördeigsplötum hlið við hlið svo þær myndi ferning. Fletjið þær saman með kefli og örlitið út svo deigið passi vel fyrir hleifinn. Rúllið hráefninu inn í smjördeigið. Notið svo síðustu plötuna til að skera út skraut t.d. ræmur sem fara þversum. Penslið yfir með pískuðu eggi (má líka nota vatn) og bakið í ofni í 20-30 mín.
Sósa:
  • 1/2 laukur
  • 10 gr þurrkaðir villisveppir
  • 1 dl kasjúhnetur, lagðar í bleyti í a.m.k 4 klst.
  • 1 tsk salt
  • 2 dl vatn
 
Aðferð sósa:
Leggið 10 gr af villisveppum í bleyti í 30 mín, saxið lauk og steikið þar til hann verður glær. Bætið villisveppunum við og steikið á miðlungshita í 2-3 mín. Setjið sveppi, lauk, kasjúhnetur, vatn og salt í matvinnsluvél og maukið þar til sósan er silkimjúk. Hitið varlega í potti eða berið fram kalt.
 
 
 
2 fyrir 1

Maldon sjávarsalt

429 kr
2 fyrir 1

Biona Tómatamauk 200gr

323 kr