Guli miðinn B-12+B-6 og fólinsýra 90 töflur

Guli miðinn

Vörunúmer : 10047083

Vítamín B12 frá Gula Miðanum. B12 er nauðsynlegt fyrir eðlileg frumuskipti og heilbrigði tauga, húðar og slímhúðar. Það er einnig mikilvægt fyrir eðlilega blóðmyndun.


953 kr
Fjöldi

B12 skortur getur lýst sér með mikilli þreytu og orkuleysi.

Nauðsyn fyrir grænmetisætur og þá sem taka sýruhamlandi magalyf.

Vítamín B12 frá Heilsu inniheldur B12, B6 og Fólinsýru.

Vítamín B-12 eða kóbalamín er vansleysanlegt. Stöðugasta form þess er sýanókóbalamín, sem notað er í B-12 bætiefni. Það er nauðsynlegt fyrir heilbrigðan vöxt (frumuskiptingu), kjarnsýruhvörf og heilbrigði tauga, húðar og slímhúðar, einnig mikilvægt fyrir eðlilega blóðmyndun. B-12 er nauðsynlegt fyrir efnaskipti prótína, fitu og kolvetna. Það er sem fyrr segir nauðsynlegt fyrir allan frumuvöxt, sérstaklega í meltingarfærum, beinmerg og taugavefjum. C-vítamín, B-6 og önnur B-vítamín auka frásog þess, einnig kalíum og natríum. 

Fæðutegundir sem eru auðugar af B-12 eru m. a. lifur, nýru, eggjarauða, fiskur og magurt kjöt. Það er óalgengt í jurtaafurðum, en spirulina þörungurinn er þó auðugur af þessu vítamíni.

B-12 þolir illa hita og skemmist við suðu, einnig draga tóbak, áfengi, kaffi og ýmis lyf úr frásogi sem og skortur á járni og B-6. Frásog þess virðist jafnframt minnka með aldrinum.

Þar sem B-12 er mikilvægt fyrir frumuskiptingu gætir skorts fyrst þar sem frumuskipting er örust t.d. í blóði. Skortur veldur því blóðleysi. Fækkun rauðra blóðkorna kemur fram í aukinni þreytu og við fækkun hvítra blóðkorna eykst sýkingarhætta. Einnig getur skortur dregið úr storknun blóðs og orsakað tíðari marbletti, líka valdið hrörnun taugafrumna og skertri hreyfigetu útlima, minnistapi, sjóntruflunum og ruglaðri hugsun. 

Notkun: 1 tafla á dag með mat

Magn: 90 töflur

Skammtastærð: 3 mánuðir

Aðrir hafa einnig keypt

Vinsælar vörur

Nýjar vörur