Spurt og svarað

Sæl Inga.

Mig þyrstir í að vita hvort þú átt ráð handa mér.

Þannig er að húðin mín er mjög þurr og ég er með mikinn þurrk í ring um augu og í hársverði.

Einnig er ég alltaf mjög slæm á báðum hælum en þó er sá hægri oft verri. Finnst stundum eins og líðan í kring um augu og í hárinu hafi með veðurfarið að gera og kuldinn hafi áhrif.

Kveðja SH

Sæl Inga.

Ég er að fá ítrekaðar kinn- og ennisholusýkingar. Ég vinn við að fljúga svo þetta fer alls ekki vel saman. Ég er ekki spennt fyrir að taka mikið pensilín eða fara í aðgerð.  Það er alveg spurning hvort það geti verið undirliggjandi ofnæmi líka og ég er að vinna í að fá tíma hjá ofnæmislækni.

Áttu einhverjar ráleggingar handa mér?

Kær kveðja B

Sæl Inga.

Ég er að velta fyrir mér hvort einhver bætiefni séu til sem gætu aðstoðað mig. Ég er stundum með andremmu. Veit ekki af hverju.

Ég borða allan mat í hófi, hvort sem hann er hollur eða óhollur. Tannhirða mín er mjög góð.

Einhverra hluta vegna held ég að þetta komi úr maganum á mér. Er eitthvað sem ég gæti prufað að taka inn, einhver bætiefni eða eitthvað sem gæti mögulega lagað þetta? Nú er ég enginn sérfræðingur en gæti verið að magasýrurnar séu í rugli hjá mér?

Mátt endilega ráðleggja mér.

Kv, G

Sæl Inga.

Ég hef verið greind með sveppasýkingu í húð af húðlækni (eftir margar rangar greiningar hjá heimilislækni). Ég hef tvisvar sinnum farið á lyfjakúr og nota krem á hverjum degi. Nú er er ég með mikinn kláða í hársverði og húð. Ég fæ bólur sem að verða svo sár. Núna er þetta farið að blossa upp á maganum og í kringum naflann. Er að breyta mataræðinu með að taka út sykur og finn smá mun. Ég er hætt að fara í gufu eftir ræktina, þurrka á mér hárið með hárþurrku og fl. En mig langar að fá ráðleggingar varðandi bætiefni eða annað sem að gæti hjálpað. Hef líka verið að hugsa hvort að ég sé með Candida og hvað er þá til bragðs að taka?

Takk fyrir hjálpina.

Kveðja L.

Sæl Inga.

Ég stunda ræktina og borða frekar hollt. Ég hef verið að fá mikinn bjúg og mikla uppþembu.

Maginn verður alveg útþaninn. Einnig hef ég haft meltingarvandamál.

Ég borða reyndar frekar óreglulega.

Ég er líka byrjuð ég að fá nábít, að ég held.

Ég hef tekið eftir að ég fæ þessi einkenni ef ég fæ mér chia fræ, gróft brauð og þegar ég tek inn töflur. Þetta er rosalega óþægilegt sérstaklega þegar ég fer í ræktina því mér verður svo óglatt.

Með fyrir fram þökk, B

Sæl Inga

Er eðlilegt að langa oftast í eitthvað eftir mat? Þá helst eitthvað sætt... er verri eftir fiskmáltíð.

Hvað er til ráða?

Kveðja

Þ

Hæ.

Hvernig losna ég við sykurlöngun og held henni niðri?

Hvað má ég búast við að vera lengi með fráhvarfseinkenni þegar að ég tek sykurinn út?

Þá er ég að meina sykur i nammi, gosi og fleiru.

Kveðja.

R

Komdu sæl Inga.

Getur þú ráðlagt mér hvað ber helst að forðast og hvað að borða þegar bakflæði hrjáir mann?

Ég hef ekki verið "greind" ennþá, fer þó í speglun og eitthvað svoleiðis á næstu vikum.

Er þó með flest einkenni sem ég fann um þetta á netinu.

Eru einhver efni sem geta bætt ástandið?

Kær kveðja,

R

Sæl Inga.

Mér var ráðlagt að spyrja þig varðandi eldri konu sem fékk þvagfærasýkingu um daginn í fyrsta sinn.

Hún fékk sýklalyf sem heitir Selexid í 7 daga. það hefur slegið á einkennin en sýkingin er ekki alveg farin og þetta er síðasti dagurinn á lyfinu.

Nú er spurningin hvort eitthvað náttúrulegt sé til ráða. Hún er á blóðþrýstingslyfjum (Atenólól 25 mg. á dag) og spurningin er hvort henni sé óhætt að taka bætiefni sem innihalda trönuber.

Takk fyrir komandi svar... 

Sæl Inga

Það er þrennt sem ég er að velta fyrir mér með tilliti til inntöku bætiefna.

Hvenær best er að taka probiotics (meltingargerla-asídófílus)? Ég hef verið að taka með mat í hádeginu og/eða á kvöldin en hef breytt því og er að taka núna eftir sítrónuvatn á morgnana, á undan morgunmatnum. Er eitthvað betra en annað?

Hvaða fjölvítamíni þú mælir sérstaklega með?

Ég er með barn á brjósti og hætti nýverið á pregnacare og fór í Spektro ásamt D-vítamíni, B-vítamíni og Udo's oil. Tek einnig spirulina.

Eru t.d. Terranova og Higher Nature vörurnar betri en Solaray? Hvaða bætiefni fyrir hárið mælir þú með?

Með fyrirfram þökk, H

Hæ hæ.

Þar sem ég er með óþol fyrir höfrum og hvítu hveiti þá var ég að spá hvað ég get notað í staðin fyrir hafra í graut og múslí. Ég hef prófað byggflögur frá móðir jörð og þær eru ágætar í grauta en mér finnst þær vera of litlar fyrir múslíið. Ég sé á síðunni að þið eruð með rúgflögur og speltflögur. Ég veit að ég má borða speltið en ég er að spá hvort rúgurinn sé ekki líka í lagi? Ég hef heyrt að hann sé jafnvel hollari en speltið.

Kv. J

Sæl.

Strákurinn minn er svo slæmur af barnaexemi sem virðist ekki ætla að vaxa af honum. Hann ber á sig rakakrem til að reyna að halda þessu niðri. Exemið hverfur á sumrin nema ekki s.l sumar. Hann hefur aldrei drukkið mjólk og hann tekur Ritalin. Hann verður mjög slæmur eftir sund. Er eitthvað sem þú getur ráðlagt mér? Mér datt í hug að hann vantaði kannski D vítamín en hann var reyndar að byrja að taka lýsi núna á ný byrjuðu ári.

Kv A

Hæ hæ.

Mig langar til að forvitnast aðeins. Þannig er mál með vexti að ég er með strákinn minn á brjósti, þó bara á kvöldin, en hann er orðinn 20 mánaða. Ég var að spá í hvort það sé óhætt fyrir mig að taka Green Coffeebean extract og Betulic töflurnar, eða jafnvel eitthvað annað sambærilegt?

Kv. S

Sæl Inga.

Ég var að greinast með heldur hátt kólesterol. Er hægt að lækka það með breyttu mataræði?

Hvað er þá best að borða? Get ég fundið lista yfir það á netinu?

Ég er aðeins of þung en það stendur til bóta.

Kv. GJ

Sæl Inga.

Eru einhver bætiefni sem þú getur ráðlagt kvíða og stresspúka eins og mér. Þetta er svo sem ekki ný saga en nú eru einkennin svo mikil og mig langar að komast hjá því að taka kvíðastillandi lyf. Finnst alveg nóg að vera á þunglyndislyfjum.

Með fyrirfram þökk,

Frú X 

Sæl Inga.

Ég er með pínu meltingarvandamál, er reyndar með ger ofnæmi, þannig að ég reyni að forðast brauð og kex. Málið er það ég er og mér finnst ég alltaf þanin, eins og ég sé komin einhverja mánuði á leið. Ansi hvimleitt. Ég tek það fram ég er í kjörþyngd, en er á óreglulegu fæði þannig séð, tek reyndar töluvert af prótín dufti og stöngum og amino sýrum og vítamínum.

Með fyrirfram þökk og með óskir um einhverja lausn, eða bara einhverja punkta.

Kv MG.

Góðan dag.

Ég er búinn að vera með hálsbólgu, nefrennsli og hellur fyrir eyrum nokkuð reglulega nú í haust. Hvað get ég gert til að losna við þetta.

Kær kveðja,

Þórhallur.

Sæl Inga

Þannig er að ég er rosalega gjörn á að fá bjúg. Ég er nokkuð dugleg að hreyfa mig, hleyp mikið, syndi og fer í ræktina, allt í bland. Ég borða mjög hollan mat, lítinn sykur og drekk uþb 2 lítra af vatni á dag. Ég tek inn fjölvítamín, D vítamín, zink og magnesíum. Hvað heldur þú að sé í gangi? Hefur þú einhver sniðug ráð?

Kær kveðja, Sigga

Sæl Inga.

Mig langar rosalega að fara að taka mig á í bætiefnainntökunni, en vil ekki taka hvað sem er, heldur eitthvað sem virkilega gæti hjálpað mér. Hvað myndir þú segja að væru helstu bætiefni sem fólk ætti að taka?

Kv Sigrún