Íslenskir blómadropar Vitund II gjafakassi 9x10ml.

Íslenskir blómadropar

Vörunúmer : 10082564

Í Vitund II er verið að vinna með tilfinningar, huga, orkulíkama og sálina. Blómadropunum er blandað saman með það að leiðarljósi að opna persónuna, hina daglegu vitund, upp fyrir sálinni svo sálarljósið lýsi enn betur í gegnum okkur. Blómadroparnir í Vitund II hjálpa okkur að rækta sálareiginleika og hæfileika okkar, birta þá í daglegu lífi og nýta þá til blessunar fyrir okkur sjálf og samfélagið.  Þeir styðja okkur í að losa hindranir milli sálar og persónu, þannig að fegurð sálarinnar fái að njóta sín í lífi okkar. Þegar það gerist hækkar tíðni okkar verulega og vitund okkar stækkar, við verðum meira meðvituð, vitrari og sjáum enn betur samhengi hlutanna. Í Vitund II eru 9 blómadropa-blöndur: Ákveðni, Sætti, Sjálfsagi, Helgur kærleikur, Innri friður, Æðri máttur, Einbeitni, Þakklæti og Frelsi.

 


13.998 kr
Fjöldi

Íslenskir blómadropar Kristbjargar hafa að geyma innsta eðli ferskrar og óspilltrar náttúru landsins. Þeir eru framleiddir úr tæru, íslensku vatni hlöðnu tíðni villtra, íslenskra jurta. Jurtirnar eru einungis tíndar fjarri mannabyggð og allri umferð, þar sem þær eru ósnortnar, hreinar og í sínum fulla krafti. 

Virkni
Blómadroparnir hafa áhrif á tilfinningar, huga og sál. Gömul áföll, stress og streita sitja eftir sem hindranir í líkama, tilfinningum og huga, draga saman orku okkar og veikja þannig líkamann. Droparnir hjálpa við að losa slíkar hindranir sem birtast oft í formi spennu, kvíða, áhyggna og uppsafnaðrar þreytu. Þeir færa okkur orku til að umbreyta erfiðum tilfinningum og hugsanamynstrum í léttleika, frelsi, gleði og kærleika. Heilarinn hið innra vaknar upp og tekur til starfa. Einnig opnast fyrir flæðið frá sálinni, við verðum betur meðvituð um hver við raunverulega erum og eigum auðveldara með að lifa í takt við æðri vilja okkar og tilgang í lífinu.

Með hverri flösku fylgir staðhæfing til að minna okkur á þá eiginleika sem við erum að efla og með því að fara með staðhæfinguna þegar við tökum inn dropana þá styrkjum við enn frekar þessa eiginleika með okkur.


Ákveðni
Þessi blanda styrkir rætur okkar og dregur fram þann innri styrk og öryggi sem við þörfnumst til að vera trú okkar eigin tilgangi, vilja, sannfæringu og sannleika. Þessi blanda hjálpar okkur að jarðtengja sálarkjarnann alveg ofan í líkamann. Góð þegar við erum áttavillt, og eigum erfitt með að standa með okkur sjálfum. Eflir rótarstöð og dul lyktarskyn. 

Sætti
Hjálpar okkur að sættast við lífið eins og það er núna og sætta okkur við það sem við getum ekki breytt. Hún hjálpar okkur að sættast við okkur sjálf og aðra og við förum að sjá hversu frábærir aðrir og við sjálf erum. Með sættinu vaknar sköpunar-krafturinn og sálin nær að tjá sig í gegnum tilfinningar okkar. Listsköpunareiginleikar okkar eflast. Góð þegar við erum föst í stífni og reiði.  Góð þegar við eigum erfitt með að fyrirgefa og sleppa takinu af fortíðinni. Eflir magastöð og dul bragðskyn. 

Sjálfsagi
Þessi blanda gefur aga og styrkir okkur í að framkvæma vilja sálarinnar. Gefur okkur drifkraft til að lifa tilganginn okkar og framkvæma okkar hluta af áætlun sálar og Guðs fyrir okkur á jörðinni. Góð þegar við vitum hvað við eigum að gera og viljum gera en vantar styrk og leyfum vana og óreiðu að taka yfir. Við hættum að láta reika á reiðanum. Eflir sólarplexus og skyggni.

Helgur kærleikur
Hjálpar okkur að elska skilyrðis-laust. Elska án kröfu um endurgjald og án allra væntinga. Hjartað opnar sig fyrir lýsandi sálinni. Kærleikurinn baðar okkur í ljósi sínu og alla aðra í kringum okkur. Heilunarhæfileikar okkar aukast til muna. Góð þegar við erum eigingjörn, kröfuhörð og tilætlunarsöm. Eflir hjartastöð og dul tilfinningaskyn.

Innri friður 
Gefur frið og jafnvægi í tjáningu okkar.  Hjálpar okkur að tjá okkur frá sálarkjarnanum. Orð og athafnir verða friðsöm og endalausir möguleikar tjáningar opnast okkur. Við náum að skapa í flæði með sálinni og í sátt við framvindu lífsins. 
Góð við einmanakennd. Hjálpar okkur að koma út úr einangrun og sýna hver við raunverulega erum. Eflir hálsstöð og dul heyrn.

Æðri máttur 
Hjálpar okkur að gefast Guði og treysta ætlun Guðs. Þessi blanda hjálpa okkur að tengjast enn betur Guði eins og hver og einn skilur eða skilgreinir þá endalausu uppsprettu kærleika sem Guð er. Við förum að skapa lífið með okkar æðri mætti. Góð þegar við treystum ekki og höfum misst trúna á framvindu lífsins og æðri mátt. Eflir augabrúnastöð og hæfileikann til að skynja Guðs vilja.

Einbeitni
Eflir fókus, einbeitingarhæfileika og skerpir athygli. Hjálpar okkur að muna leiðina okkar, sjá hver leiðin er og lifa hana. Einbeitni blandan hjálpar okkur að sjá skýrt fyrir okkur þá leið sem æðri máttur leiðir okkur og skilja enn betur samhengi hlutanna. Sálarkjarninn jarðtengir sig í huga okkar og sest í sæti sitt í ennisstöðinni. Góð þegar hugurinn getur ekki stoppað og einbeitingin er út og suður, þegar við erum áttavillt og ringulreið ríkir í huganum. Þessi blanda eflir tengingu við alheimssálina.

Þakklæti 
Gefur þakklæti fyrir allt sem lífið hefur gefið okkur. Bæði sigra og ósigra. Við förum að þakka fyrir mótstreymið eins og velgengnina því það styrkir okkur og dregur fram í okkur meiri dýpt og visku. Blandan styrkir dyggðirnar okkar, hjálpar okkur að virkja þær og nota í daglegu lífi. Aðstoðar við að skapa jafnvægi milli vitsmuna, tilfinninga og athafna. Góð þegar hugur og hjarta eru ekki sammála og þegar við getum ekki sleppt takinu af útkomunni. Eflir dyggðastöð.


Frelsi 
Gefur tilfinningu fyrir að vera fullkomlega frjáls og óháð þrátt fyrir allar þær takmarkanir sem hið jarðneska líf virðist setja okkur. Við förum að sjá lífið, okkur sjálf og aðra með takmarkalausu umburðarlyndi, skilningi, kærleika og visku. Fullkomið traust á framvindu lífsins fer að ríkja í vitund okkar. Við sjáum fegurð, samræmi og blessun í öllu. Góð þegar hugurinn er fastur í gömlu mynstri, þröngsýni og ótta. Eflir höfuðstöð og tengingu við alheimsvitundina, alsæluna.

Þú hristir flöskuna, sem þú hefur valið, og lætur 3 dropa falla undir tunguna, 4-8 sinnum á dag eða þar til þér líður betur. (Gættu þess að láta dropa-teljarann ekki komast í snertingu við munninn.) Þessi aðferð hefur áhrif á yfirborðstilfinningar dagsins. Einnig er gott að setja blómadropa út í vatnsglas, te, vatnsbrúsa eða baðvatn, svo eitthvað sé nefnt.

Ekki er nein hætta á að droparnir veki upp áfengisfíkn hjá óvirkum alkahólistum en þó er gott fyrir þá, sem hafa nýlega komið úr áfengismeðferð, að hafa vaðið fyrir neðan sig og taka þá inn með vatni. Blómadroparnir veita góða hjálp öllum þeim sem eru í einhverskonar  meðferð, sama hvaða nafni hún nefnist.

Djúpvinna
Til að vinna á djúpstæðum tilfinningum færð þú þér 30ml flösku með dropateljara, telur 21 dropa í hana úr blómadropa-flöskunni, sem þú hefur valið þér, og fyllir upp með vatni.  Hristu vel. Því næst tekur þú inn 14 dropa í örlitlu af vatni tvisvar á dag uns 30ml flaskan er kláruð.

Markviss djúpvinna
Einnig er hægt að vinna markvisst með Vitundar II kerfið. Þá er byrjað á Ákveðni flöskunni (virkar á neðstu orkustöðina), blandað úr henni í 30ml flösku og blandan tekin inn á sama hátt og greint er frá í djúpvinnunni. Því næst er hver flaskan á fætur annarri notuð þar til þú hefur klárað allar. Þannig hreinsar þú burt gamla staðnaða orkur frá þér og myndar jafnvægi í heildarverund þinni. Orkuflæðið verður jafnt og þétt í öllum orkustöðvum og orkukerfum, og ný orka með nýjum tækifærum kemst að þér.