Hér er hin ómótstæðilega uppskrift:
Grunnurinn:
Þurrefnin:
1 og ½ bolli möndlumjöl (minnsta mál er að setja möndlur í blandara og mala sjálf/ur)
1 b kakóduft (hrátt)
1/8 tsk múskat
smá salt.
Blautefnin:
½ bolli maple síróp
½ tsk vanilla
¼ bolli vatn (ef ykkur finnst það nauðsynlegt)
Hrærið saman þurrefnunum sér og blautefnunum í annarri skál. Blandið svo öllu saman og hrærið með sleif. Ef ykkur finnst blandan enn of þurr, bætið við vatni. Allt á að vera þykkt og seigfljótandi.
Best er að setja blönduna í fremur lítið lausbotna form en má líka fara í brúnkuform svo framalega sem það megi fara í frysti.
Piparmyntukremið:
¼ bolli kókosmjólk
2 msk kakósmjör
1 bolli kasjúhnetur, sem hafa legið í bleyti
1 pakki stevía (þessi í grænu pökkunum), eða stevíudropar (smakkið ykkur til).
1 tsk piparmyntudropar, eða góð piparmyntuolía.
Blandið vel saman í blandara uns hráefnið verður silkimjúkt. Berið ofan á botninn og setjið í ísskáp.
Súkkulaðikremið:
1 bolli mable síróp
1 bolli hrákakó
1/3 bolli kókoshnetuolía
1 tsk vanilla
ögn af salti
Blandið saman uns innihaldið verður silkimjúkt.
Berið súkkulaðikremið ofan á og setjið aftur í ísskápinn. Berið fram þegar kremið hefur stirnað.
Annars má líka geyma hana í fyrsti og bera fram síðar. Það er líka mjög gott að setja kókosflögur ofan á súkkulaðikremið, ef vill.
Njótið.
